Proxecto eTwinning "Xogos sen fronteiras"

V Torneo Xadrez Intercentros de Redondela

Un ano máis os nenos e as nenas de 5º e 6º de Educación Primaria participaron no V Torneo de Xadrez Intercentros celebrado na alameda de Redondela, unha xornada de convivencia na que desfrutaron deste xogo que tanto gusta ao alumnado do centro.

Campionato provincial de cros por equipos

Despois de clasificarse por equipos no cros de outubro, os nenos e as nenas de 6º de Educación Primaria participaron hoxe na fase provincial do cros xogade . Noraboa a todos e a todas por chegar ata aquí, fixéstelo xenial!

Diseño de María

Atletismo no cole

Esta semana Javier, adestrador da Asociación Deportiva C.A.R. visitou o noso centro a través do programa Xogade "Coñece o meu club". Practicamos o salto de altura, o salto de lonxitude, carreiras de relevos e lanzamento de vórtex. Foi unha mañá divertida na que todos e todas puidemos desfrutar practicando deporte.

Atletismo de María

Proxecto eTwinning

Este curso participaremos nun novo proxecto a través da plataforma Etwinning. Desta vez, o alumnado de 4º de EP xunto coa súa titora, e as mestras especialistas en Inglés e EF, compartiremos cos nosos compañeiros e compañeiras de Kosice (Eslovaquia) os nosos xogos populares favoritos e aos que máis nos gusta xogar no patio a través do proxecto “Xogos sen fronteiras”. Este trimestre comezamos coas presentacións, para coñecernos e poñernos por fin cara. Tamén nos enviamos postais de Nadal e compartimos vídeos cantando panxoliñas. Ademais fixemos unha videochamada na que por fin nos puidemos ver e coñecer mellor!